საფრანგეთის შინაგან საქმეთა მინისტრმა, ლორან ნუნიესმა განაცხადა, რომ „საიმედო, მომზადებულმა და მოქნილმა უსაფრთხოების ზომებმა“ უზრუნველყო ქვეყნის მასშტაბით საპროტესტო აქციების ჩატარება.
ნუნიესმა მაღალი შეფასება მისცა სამართალდამცველების მოქმედებებს, რომელთა წყალობითაც „აღიკვეთა იმ პირთა ქმედებები, რომლებიც მსვლელობების ჩაშლას ცდილობდნენ“.
„მადლობას ვუხდი შიდა უსაფრთხოებისა და საგანგებო სიტუაციების მართვის ყველა სამსახურს, რომლებიც დღეს იყვნენ მობილიზებულნი. მათ მოუწიათ ძალზე სერიოზულ ძალადობრივ ქმედებებთან გამკლავება, რაც თითოეულმა ჩვენგანმა უნდა დაგმოს“, – დაწერა მინისტრმა სოციალურ ქსელში.
„ჩემი განსაკუთრებული თანაგრძნობა იმ ჟანდარმებს ეკუთვნით, რომლებიც „მოლოტოვის კოქტეილის“ სროლის შედეგად დაშავდნენ“, – დასძინა მან.
ნუნიესის თქმით, სამართალდამცავი ორგანოები საფრანგეთის ყველა რეგიონში მობილიზებულნი დარჩებიან „იმ დრომდე, სანამ ეს საჭირო იქნება“.