სიახლეები

ისრაელის საგარეო საქმეთა სამინისტროს შესყიდვების კომიტეტმა ავიაგამანადგურებლების 2 ახალი ესკადრილიის შეძენის გეგმა დაამტკიცა, რის საფუძვლადაც ირანთან ომის დროს მიღებული ოპერაციული გამოცდილება დაასახელა. ისრაელის თავდაცვის მინისტრმა ისრაელ კაცმა განაცხადა, რომ ახალი ესკადრილიები მოიცავს F-35 და F-15IA-ს ტიპის თვითმფრინავებს, რომლებსაც ამერიკული კომპანიები აწარმოებენ. „ამ კამპანიის გაკვეთილები ჩვენგან ძალების გაძლიერების გაგრძელებას მოითხოვს, რათა მომავალი ათწლეულების განმავლობაში საჰაერო უპირატესობა უზრუნველვყოთ“,

ფრიდრიხ მერცის რეიტინგი ეცემა. INSA ინსტიტუტის მიერ ჩატარებული გამოკითხვის თანახმად, გერმანიის კანცლერის საქმიანობით კმაყოფილი გამოკითხულთა მხოლოდ 16%-ია, 76% კი მის საქმიანობას უარყოფითად აფასებს. ამასთან, რესპონდენტთა 58% თვლის, რომ მმართველი კოალიცია მუშაობის გაგრძელებას ვადის ამოწურვამდე ვერ შეძლებს.

ტრამპის ადმინისტრაცია ახლო აღმოსავლეთის ქვეყნებისთვის 8 მილიარდ დოლარზე მეტი ღირებულების იარაღის გაყიდვას აჩქარებს. ინფორმაციას ამერიკის სახელმწიფო დეპარტამენტი ავრცელებს. ქვეყნების სიაში არიან: ისრაელი, კატარი, არაბთა გაერთიანებული საამიროები და ქუვეითი. უწყების განმარტებით, საგანგებო ვითარების გათვალისწინებით, რომელიც ახლო აღმოსავლეთშია შექმნილი, გადაწყვეტილება კონგრესის გვერდის ავლით იქნა მიღებული.

ფილიპინებზე მოქმედი ვულკანი გააქტიურდა. მაიონის კრატერიდან ვულკანური ფერფლი იფრქვევა. ადგილობრივმა ხელისუფლებამ საფრთხის მესამე დონე გამოაცხადა და მოსახლეობას სტიქიური საფრთხის ზონასთან მიახლოება აუკრძალა. ძლიერი დაკვამლიანებით გამოწვეული ცუდი ხილვადობის გამო რამდენიმე რაიონში ტრანსპორტის მოძრაობა შეფერხდა.

ამერიკულმა ავიაკომპანია Spirit Airlines-მა მუშაობა შეწყვიტა. მიზეზად კომპანიის ხელმძღვანელობა საწვავის გაძვირებას ასახელებს. კომპანიის დახურვის შედეგად პრობლემები ათასობით მგზავრს შეექმნა, რომლებსაც ავიარეისებზე ბილეთები ჰქონდათ შეძენილი. მგზავრების სხვა კომპანიებში გადამისამართებას Spirit Airlines-ის ხელმძღვანელობა ამ დრომდე ვერ ახერხებს.

საფრანგეთში საწვავის ფასის მატებას აპროტესტებენ. პარიზის ცენტრში ფერმერები, ტაქსისტები, მეთევზეები და სხვადასხვა პროფესიის წარმომადგენლები შეიკრიბნენ. მათ ხელისუფლებას შექმნილი მდგომარეობიდან გამოსავლის მოძებნისკენ მოუწოდეს, წინააღმდეგ შემთხვევაში კი პერმანენტული აქციების მოწყობით დაიმუქრნენ.